शिवसेनेच्या माजी नगराध्यक्ष विरुद्ध देऊळगावराजात गुन्हा

   देऊळगाव राजा : (प्रतिनिधी) 
          फेसबुकवर आक्षेपार्ह पोस्ट टाकून न्याय व्यवस्था व एका समाजाच्या भावना दुखावल्या प्रकरणी शिवसेनेच्या माजी नगराध्यक्षाविरुद्ध पोलिसांनी बुधवारी रात्री उशिरा गुन्हा नोंदवण्यात आला. दरम्यान न्यायालयाने आरोपीस १५ दिवस शहराबाहेर राहण्यासह सशर्त जामिनावर सुटका केली. 

        याबाबत पोलिस सूत्रांकडून प्राप्त माहितीनुसार, शिवसेनेचे माजी नगराध्यक्ष गोविंद बापूराव झोरे यांनी स्वतःच्या फेसबुक अकाउंटवर हम कोर्ट की नही मानेंगे व ज्यांच्या अंगात राष्ट्रद्रोही रक्त असेल तेच मंदिराला विरोध करतात. अशी कॉमेंट टाकून न्याय व्यवस्था व त्या समाजाची बदनामी करून भावना दुखावल्या. या प्रकारानंतर जहीर खान जिलानी खान पठाण रा. भोई गल्ली, देऊळगावराजा यांच्या फिर्यादीवरून पोलिसांनी शिवसेनेचे माजी नगराध्यक्ष गोविंद बापूराव झोरे यांच्याविरुद्ध गुन्हा नोंदवला. दरम्यान, गुरुवारी पोलिसांनी आरोपीस न्यायालयापुढे हजर केले असता न्यायालयाने दोन आठवडे शहराबाहेर राहून जालना सदर बाजार पोलिस स्टेशनला खंड न पडता हजेरी लावण्याच्या अटीवर सशर्त जामीन मंजूर केला. या प्रकरणात ठाणेदार सारंग नवलकार यांच्या मार्गदर्शनात पोलिस उपनिरीक्षक नीता गायकवाड तपास करत आहे.