पश्चिम महाराष्ट्रातील पूरग्रस्तांना मदतीचा हात

सातारा,सांगली,कोल्हापूर जिल्ह्रातील गावात महापूर  
देऊळगावराजा मुस्लिम संघटने कडून आर्थिक मदत
 देऊळगावराजा : (प्रतिनिधी)                                                                                                                                                                                                                                                                                                                                                                      पश्चिम महाराष्ट्रात सातारा, सांगली, कोल्हापूर जिल्ह्यात अतिवृष्टीमुळे पूरग्रस्त झालेल्या नागरिकांना मदत करण्यासाठी देऊळगावराजा नगरीतील मुस्लिम युवकांनी ईदच्या नमाज नंतर  
पूरग्रस्तांना मदत करण्यासाठी आर्थिक मदत जमा करुन पूरग्रस्तांना मदतीचा हात दिला.   
          राज्य अथवा देशातील नागरिकांवर कोणतीही नैसर्गिक आपत्ती ओढविल्यास त्यांना मदत करण्याची श्री बालाजी महाराजांच्या पुण्य नगरीतील अनेक संघटनेची परंपरा आहे. त्यानुसार मुस्लिम युवकांच्या वतीने ईदच्या दिवशी पूरग्रस्तांना मदत करण्याचा निर्णय घेण्यात आला. पूरग्रस्तांना   तातडीची मदत करणे गरजेचे आहे. त्या अनुषंगाने हि चळवळ उभी करून सामाजिक बांधिलकी कायम ठेवली. त्यांच्या परंपरेनुसार कार्य करणे ही आपली जबाबदारी व कर्तव्य समजून युवकांनी हि आर्थिक मदत जमा केली. येत्या दोन दिवसांत मुख्यमंत्री सहाय्यता निधीसाठी रोख रक्कम देऊळगावराजा तहसीलदार मार्फत सुपूर्द करण्यात येईल असेही त्यांनी सांगितले. याप्रसंगी स्थानिक जनतासेवाचे संचालक हाजी मो.याकुब यांनी पूरग्रस्तांना मदतीसाठी २१ हजार रुपयेचा धनादेश नायब तहसीलदार यांना सुपूर्द केले. शहरातून मदत जमा करण्यासाठी कदिर शेख, अहेमद खान, अनवर खान, अतिष खरात, अकबर बागवान, इम्रान खान कोटकर, मो.तारीक, शाकीर लाला, काशीफ कोटकर, युनुस खान, अझीम खान, फईम मेकानिक, हरुण शाह, खलील शाह, असलम शाह, आकाश साळवे, गणेश तिरूके, शैलेस भालेराव, समिर अतार, शोएब टेलर, संतोष कासारे आदी युवकांनी सहभाग नोंदविला.
                        पूरग्रस्तांना मदत करण्याची गरज                        
         कोल्हापूर, सांगली जिल्ह्यात आलेल्या पूरामुळे बिकट परिस्थितीत असलेल्या नागरिकांच्या मदतीसाठी आर्थिक सहयता जमा करुन समाजा समोर आदर्श निर्माण केला तसेच, मदतीचा ओघ असाच सुरुच असून नागरिकांनी पूरग्रस्तांसाठी मदत द्यावी, असे आवाहन करण्यात येत आहे..
                                    मधूकर पवार, नायब तहसीलदार देऊळगावराजा